Падведзены вынікі 13 сезона гарадскога конкурсу беларускамоўных тэатраў устаноўагульнай сярэдняй адукацыі.

На конкурс было прадстаўлена 32 пастаноўкі.

Журы адзначыла высокі ўзровень падрыхтоўкі навучэнцаў наступных устаноў агульнай сярэдняй адукацыі:

у намінацыі “Літаратурна-музычная кампазіцыя” тэатры сярэдняй школы № 4 за пастаноўку “У купальскую ноч” (кіраўнік Берасневіч Л.В.), сярэдняй школы № 20 г. за пастаноўку “Спявак з Нарачанскага краю” (кіраўнікі Куліева Н.Г., Салаўёва Н.Л., Якаўлева Л.А.);

у намінацыі “Літаратурна-музычная пастаноўка” тэатры гiмназiі № 1 за пастаноўку “Вяселле Ганны Чарнушкі (па матывах рамана І.Мележа “Людзі на балоце”)” (кіраўнікі Рудзянкова Л.І., Дробышава А.І.), гiмназiі № 3 за пастаноўку “Цацачная крама” па аднайменным творы Л.Дранько-Майсюка (кіраўнік Дабрыніна С.В.);

у намінацыі “Літаратурная пастаноўка” тэатры сярэдняй школы № 10 за пастаноўку “Зацюканы апостал” па аднайменным творы А.Макаёнка (кіраўнікі Бохан Г.А.,Цопава І.В.); сярэдняй школы № 32 за пастаноўку “Стомлены д’ябл” па аднайменным творы С.Кавалёва (кіраўнік Юшкевіч Г.А.);

у намінацыі “Тэатральная інсцэніроўка” тэатр гімназіі-каледжа мастацтваў за пастаноўку “Папялушка” (кіраўнікі Антонава В.В., Корасціль Т.У.);

у намінацыі “Лялечны тэатр” тэатры гімназіі-каледжа мастацтваў за пастаноўку “Пшанічны каласок” (кіраўнікі Кірыенка А.В., Бандарчук А.У.), сярэдняй школы № 34 за пастаноўку “Купальскія светлячкі” (кіраўнік Карзубава А.І.);

у намінацыі “Батлейка” батлейку сярэдняй школы № 6 за пастаноўку “Святло Каляднай зоркі” (кіраўнік Патачыц З.І.);

у намінацыі “Фальклорны тэатр” тэатр сярэдняй школы № 25 за пастаноўку “Вялікдзень” (кіраўнікі Шаўчук Н.М., Рабава Т.І., Брыцікава Н.А.);

у намінацыі “Арыгінальны жанр” тэатр сярэдняй школы № 23 за пастаноўку “Як Сцёпка з панам гаварыў” (кіраўнік Карасёва С.І.).

Кожная пастаноўка ўспрымалася гледачамі як глыточак крынічнай вады, як паветра, якім хочацца дыхаць і дыхаць… Конкурс закончыўся, будзем чакаць новых сустрэч з роднай мовай, нацыянальнымі традыцыямі і звычаямі!