Белорусский язык IV класс

Урок 1.

Тэма: Змяненне дзеясловаў па часах і ліках. Змяненне дзеясловаў  прошлага часу па родах. Суфіксы дзеясловаў прошлага часу

Задачы:

паўторым, што абазначае дзеяслоў, на якія пытанні адказвае, як змяняецца, якім членам сказа з’яўляецца;

будзем вучыцца вызначаць час і лік дзясловаў, змяняць дзеясловы па родах, вызначаць іх суфіксы і канчаткі;

паназіраем, як змяняюцца дзеясловы ў форме прошлага часу адзіночнага ліку;

выканаем тэст для праверкі засваення ведаў па дадзенай тэме.

Звернемся да табліцы ў падручніку на с.64.

Выканаем практыкаванне 105 на с.64. Прачытайце тэкст. Знайдзіце дзеясловы. Вызначце, у форме якога часу яны ўжыты. (У форме цяперашняга часу.)

Змяніце тэкст так, каб у ім ішла размова пра падзеі, якія ўжо адбываліся. Запішыце тэкст, які атрымаўся.

Праверце сябе.

Вавёрка збірала (пр.ч., адз.л.) арэхі, рыхтавала (пр.ч., адз.л.) запасы на зіму. Звярок хаваў (пр.ч., адз.л.) іх у дупле старога дрэва. Вавёрка рабіла (пр.ч., адз.л.) кладоўкі і пад каранямі дрэў. У такіх кладоўках яна трымала (пр.ч., адз.л.) толькі добрыя арэхі.

Знайдзіце ў тэксце сказ з аднароднымі членамі. (Першы сказ).

Падкрэсліце галоўныя члены сказа. Якім членам сказа з’яўляюцца дзеясловы? (Выказнікам)

Вусна (па жаданню) змяніце тэкст так, каб у ім ішла размова пра падзеі, якія будуць адбывацца.

Праверце сябе.

Вавёрка назбірае арэхі, нарыхтуе запасы на зіму. Звярок схавае іх у дупле старога дрэва. Вавёрка зробіць кладоўкі і пад каранямі дрэў. У такіх кладоўках яна будзе трымаць  толькі добрыя арэхі.

Праца з рубрыкай “Гаварыце правільна!”

Прачытайце спалучэнні слоў, змешчаныя  ў рубрыцы на с.65

 Якія аднакаранёвыя дзеясловы сустрэліся ў гэтых спалучэннях? (Адзеў, надзеў.) Каго можна адзець: сябе ці іншага чалавека? (Іншага.) Надзець адзенне абутак можна на сябе ці на іншага чалавека? (На сябе.) Не памыліцеся пры выбары гэтых дзеясловаваў падчас выканання практыкавання 107.

Праверце сябе.

Мама адзявае (цяп.ч., адз.л.) дачушку. Машына буксуе (цяп.ч., адз.л.) на месцы. Сяргейка надзене (буд.ч., адз.л.) паліто. Маляры пабялілі (пр.ч., мн.л.) сцены. Каваль яшчэ не падкаваў (пр.ч., адз.л.) каня. Хутка выгляне (буд.ч., адз.л.) сонейка.

Звернемся да табліцы на старонцы 67. Прачытайце сказы. У форме якога ліку дзеясловы прошлага часу змяняюцца па родах? Які суфікс маюць  ў форме прошлага часу адзіночнага ліку мужчынскага роду? Які суфікс маюць дзеясловы ў форме прошлага часу адзіночнага ліку жаночага і ніякага роду? Які суфікс маюць дзеясловы ў форме прошлага часу  множнага ліку?

Выканаем практыкаванне 110. Прачытайце заданне. Утварыце сказы па ўзоры, запішыце сказы з дзеясловам паплыць.

Праверце сябе.

Зашумеў    (адз. л., м.р.) асенні лес.
Зашумела  (адз. л., н.р.) сіняе мора.
Зашумела  (адз. л., ж.р.) хуткая рака.
Зашумелі  (мн. л.) марскія хвалі.
          
Паплыў    (адз. л., м.р.) па зорным небе месяц.
Паплыла (адз. л., ж.р.) па рацэ рыбацкая лодка.
Паплыло (адз. л., ж.р.) па небе лёгкае воблака.
Паплылі  (мн. л.) ў паветры павуцінкі бабінага лета.

Выканаем практыкаванне 113.

Праверце сябе.

Хлопчык сарваў (адз. л., м.р.) з дрэва чырвоны яблык. 2. Матуля паклікала (адз. л., ж.р.) дзяцей абедаць. 3. Дзіця добра спала (адз. л., н.р.) усю ноч. 4. Па возеры плылі (мн. л.) прыгожыя лебедзі. 5. Дзяўчынка падарыла (адз. л., ж.р.) сяброўцы цікавую кніжку. 6. Вучні правільна рашылі (мн. л.) усе задачы.

Прачытайце дзеясловы ў рубрыцы “Гаварыце правільна” на старонцы 69.

 Звярніце ўвагу на націск ў іх. Назавіце дзеясловы з націскнымі (неніскнымі) канчаткамі. Як вы думаеце,  чаму дзеясловы брала, рвала змешчаны ў гэтай рубрыцы? (Іх вымаўленне адрозніваецца націскам  ад адпаведных дзеясловаў рускай мовы.)

Тэст

1. Сярод слоў знайдзіце дзеясловы.

а) плыве;

б) песня;

в) чорны;

г) шукаў;

д) вялікая

2. Знайдзіце дзеясловы ў форме адзіночнага ліку.

а) піша;

б) бягуць;

в) з’яўляюцца;

г) прынясе;

д) гарэў.

         3.У якім радку запісаны дзеясловы прошлага часу?

         а) вядзе, выконвае, нясе, чытае;

         б) вёз, выконвалі, нёс, чытала;

в) прывядзе, выкапаюць, прынясуць, прачытаюць.

         4. У якіх словах правільна вызначаны суфікс і канчатак?

         а) забялела;

         б) загулі;

         в) зашумеў;

г) знайшло

5. У якіх сказах  дзеяслоў ужыты ў форме прошлага часу жаночага роду.

а) Доўга хадзіў ляснік па ўзлеску.

б) Вечарам бабуля чытала дзецям казку.

в) Дзяўчынка малюе вясну.

г) Сонца ўзышло над возерам.

д) Каля дарогі вырасла бяроза.

Ключ для праверкі тэста

1. а, г;
2. а, г, д;
3. б;
4. а, б;
5. б, д.

Тэма: Першае і другое спражэнне дзеясловаў. Канчаткі дзеясловаў 1-й асобы адзіночнага ліку.

Мэты:

-знаёмства з тыпамі спражэння дзеясловаў;

-навучыцца ўтвараць форму 1-й асобы адзіночнага ліку дзеясловаў І і ІІ спражэння.

Ход урока

1. Паўтарэнне

Успомні, пра якую часціну мовы можна сказаць наступнае:

 … мае тры асобы і два лікі.

… змяняецца па склонах.

 … у мове замяняе назоўнік, прыметнік.

 … можа ўжывацца з прыназоўнікамі.

Каб праверыць сябе, звярніся да стар. 64 падручніка.

Выканай пр. 137 на стар. 82 пісьмова.

2. Чыстапісанне

Спішы, устаўляючы прапушчаныя літары.

Хвалі зак..палі і ра..лі, а на поў..ень прыля..елі жура..лі.

Правер сябе па відэаматэрыяле да ўрока № 4 (да 3 хвіліны).

3. Знаёмства з новай тэмай урока

Звярніся да відэаматэрыяла ўрока № 4

Прачытай інфармацыю з рубрыкі “Завяжы вузялок!” на стар. 83.

Разгледзь табліцу ў пр. 138 на стар. 83 падручніка.

Звярні ўвагу на канчаткі дзеясловаў I, II спражэння, прачытай інфармацыю з рубрыкі “Завяжы вузялок!” на с.84.

ВАЖНА! Карыстайся гэтымі табліцамі або прэзентацыяй на працягу сённяшняга ўрока, каб правільна вызначыць спражэнні дзеясловаў і беспамылкова напісаць іх канчаткі.

4. Адпачні. Успомні і выканай любімую фізкультхвілінку.

5. Замацаванне

Выканай пісьмова пр.139, стар. 84 і заданні да яго.

Вусна выканай пр.140, стар. 85, абапіраючыся на рубрыку “Гаварыце правільна!”.

Для замацавання сваіх ведаў, выканай пр.142, стар. 86.

6. Правер свае веды, выканаўшы тэст

1. Што абазначае дзеяслоў?

а) прадмет;

б) прымету;

в) дзеянне.

2. У якім радку запісаны дзеясловы цяперашняга часу?

а) вёў, выконвалі, нёс, чытала;

б) вядзе, выконвае, нясе, чытаюць;

в) прывядзе, выканаюць, прынясуць, прачытае.

3.Чаму пачатковая форма дзеяслова называецца неазначальнай?

а) таму што ў ёй нельга вызначыць канчатак;

б) таму што ў ёй нельга вызначыць, хто выконвае дзеянне і калі яно адбываецца.

4. Якія канчаткі маюць дзеясловы 1-й асобы І спражэння?

а) -у, -ю;                       б) -іць, -ыць;

в) -еш, -эш, -аш;          г) -уць, -юць.

5. У якой форме стаіць дзеяслоў прыпасаю?

а) 1-я асоба адзіночнага ліку цяперашняга часу І спражэння;

б) 1-я асоба адзіночнага ліку цяперашняга часу ІІ спражэння;

в) 2-я асоба адзіночнага ліку цяперашняга часу ІІ спражэння.

7. Правер сябе, звярнуўшыся да адказаў.

АДКАЗЫ ДА ТЭСТУ

Канчаткі дзеясловаў 1-й асобы адзіночнага ліку.

Тэма:Канчаткі дзеясловаў 3-й асобы множнага ліку I і ІІ спражэння
Мэта: навучымся ўтвараць форму 3-й асобы множнага ліку дзеясловаў I і ІІ спражэння, вызначаць тып спражэння дзеясловаў па форме 3-й асобы множнага ліку.

Ход урока

1. Хвiлiнкачыстапiсання

фарба   расфарбоўка   фарбаваць

– Запiшы ў сшытакзлучэнне лiтар і словы.

– На наступным радку складзі і запішы сказ з дадзеных слоў.                           

Ярка, сонца, і, возера, афарбоўвае, ў, розныя, свеціць, колеры, ваду.

– Падкрэслі галоўныя члены сказа. Вызнач асобу і спражэнне дзеясловаў.

Правер сябе. Глядзi адказ у канцы наступнай старонкі.

2.Паўтарэнне. Давай успомнiм.

 Практыкаванне 143, стар.86. Выканай заданні з падручніка.

3. Слоўнiкавая работа

– Пазнаёмся з правапісам слоўнікавага слова УНIЗЕ (стар.88). Падбяры да слова УНIЗЕ аднакаранёвыя словы, складзi з ім словазлучэнне.

4.Тлумачэнне новага матэрыялу

– Глядзі відэаўрок.

5.Замацаванне

– Выканай практыкаванне 145, стар.88

Прачытай тэкст. Выпiшы выдзеленыя дзеясловы. Вызнач час, асобу і лік дзеясловаў. Утвары форму 3-й асобы множнага ліку гэтых дзеясловаў, абазнач канчаткiі вызнач спражэнне (карыстайся схемай пр.144, стар.87).

Адпачнi. Выканай сваю любiмую фiзкультхвiлiнку.

–       Выканай практыкаванне 146, стар.87

Прачытай прыказку. Знайдзi ў сказе дзеясловы. Утвары форму 3-й асобы множнага ліку гэтых дзеясловаў, абазнач канчаткi і вызнач спражэнне.

6. Правер свае веды. Зрабі тэст

1. Па асобах і ліках змяняюцца (спрагаюцца)

А) дзеясловы цяперашняга, прошлага і будучага часу

Б) дзеясловы цяперашняга і будучага часу

В) дзеясловы прошлага часу

2. Адзнач радок з дзеясловамi 3-й асобы множнага лiку

А) жартуеш, жывеш, гаворыш

Б) заспяваю, малюю, хаджу

В) даглядаюць, прынясуць, гавораць

3. Вызнач радок, у якiм знаходзяцца дзеясловы толькiI спражэння

А) прыбягуць, працуюць, сябруюць

Б) вучаць, крочаць, зробяць

В) гуляюць, глядзяць, размаўляюць

4. Вызнач радок, у якiм знаходзяцца дзеясловы толькiII спражэння

А) сябруюць, пiшуць, чытаюць

Б) ляцяць, сядзяць, трымаюць

В) гамоняць, маўчаць, зазвiняць.

5. Адзнач радок з дзеясловамi, у якiх трэба дапiсаць канчаткi-уць або -юць

А) шчабеч…, шум…, гуч…,

Б) зазеляне…, раст…, квiтне…,

В) ста…,сустрака…,плыв… 

7. Правер свае адказы

Адказы да тэсту па тэме

“Канчаткі дзеясловаў 3-й асобы множнага ліку I і ІІ спражэння”

1 Б

2 В

3 А

4 В

5 Б

*Ярка свеціць сонца  і афарбоўвае ў розныя колеры ваду возера.

Свеціць(3-я асоба, II спр.)

Тэма: Канчаткі дзеясловаў 2-й асобы множнага ліку І і ІІ спражэння

Мэта:

Þ              пазнаёмімся з канчаткамі дзеясловаў 2-й асобы множнага ліку І і ІІ спражэння;

Þ              будзем вучыцца ўтвараць форму 2-й асобы множнага ліку дзеясловаў І і ІІ спражэння, вызначаць тып спражэння дзеясловаў па форме 3-й асобы множнага ліку.

1. Прагляд відыё

2. Праца з падручнікам

Табліца 1

Табліца 2

Практыкаванне 180 (пісьмова)

Карыстайцеся табліцамі 1, 2.

Звярніце ўвагу на націск у гэтых формах дзеясловаў.

Практыкаванне 184 (пісьмова)

Успомніце, якія бываюць сказы па мэце выказвання.

Запомніце правапіс новага слоўнікавага слова меньшы.

Практыкаванне 185 (пісьмова)

Урок 9

Тэма: Канчаткі дзеясловаў 2-й асобы множнага ліку І і ІІ спражэння

Мэта:

Þ              замацаванне ўмення ўтвараць форму 2-й асобы множнага ліку дзеясловаў І і ІІ спражэння, правільна пісаць канчаткі дзеясловаў 2-й асобы множнага ліку І і ІІ спражэння з апорай на табліцы

1. Прагляд відыё

2. Чыстапісанне

Выпішыце канчаткі дзеясловаў 2-й асобы множнага ліку І і ІІ спражэння.

яце, оце, ыце, іце, уць, еце, аць

Выпішыце дзеясловы 2-й асобы.

Гавару, збіраеш, робіць, ходзіце, гуляем, бяжыце.

Складзіце з любым словам сказ і запішыце.

3. Праца з падручнікам

Пры выкананні заданняў карыстайцеся табліцамі 1, 2.

Табліца 1

Табліца 2

Практыкаванне 186 (пісьмова)  

Уважліва прачытайце заданне. Звярніце ўвагу на канчаткі дзеясловаў кожнага радка.

Практыкаванне 187 (пісьмова)

Увага!

1. Запішыце дзеясловы парамі.
2. Запішыце адзін сказ па выбары. Вызначце асобу, лік, спражэнне дзеясловаў.

Практыкаванне 190 (пісьмова)

Карыстайцеся табліцамі 1,2.

Дадаткова. Адкажыце на пытанне (вусна).

У якой прыказцы гаворыцца пра тое, што чалавек, які рана ўстае, паспявае зрабіць усё запланаванае?

4. Правер сябе!

Тэст

1. Адзнач дзеясловы ў множным ліку.

а) чытаем

б) бяжыць

в) малюе

г) адчыняе

2. Адзнач дзеясловы множнага ліку ў 2-й асобе.

а) уздыхнула

б) стаіце

в) паглядзім

г) пачулі

3. Адзнач дзеясловы ў форме 2-й асобы адзіночнага і множнага ліку І спражэння.

а) бярэш - бераце

б) сядзім - сядзіце

в) глядзім - глядзіце

г) спяваеш - спяваеце

4. Адзнач дзеясловы, у якіх націск пастаўлены правільна.

а) ве¢зяце

б) жы¢вяце

в) зніма¢еце

г) ідзяце¢

5. Якая агульная прымета дзеясловаў несяце, паліваеце, ведаеце?

а) 3-я асоба адзіночнага ліку

б) неазначальная форма

в) 2-я асоба множнага ліку

г) множна лік прошлага часу

Адказы на тэст

1. а
2. б
3. а, г
4. г
5. в

Тэма: Канчаткі дзеясловаў 3-й асобы адзіночнага ліку I і ІІ спражэння

Мэты:

-даведацца, як пішуцца канчаткі дзеясловаў 3-й асобы адзіночнага ліку;

-вучыцца выбіраць правільны канчатак дзеяслова 3-й асобы ў залежнасці ад спражэння дзеяслова і апошняй літары асновы слова.

ХОД УРОКА

1.Хвілінка паўтарэння

Успомніце, як вызначыць час і спражэнне дзеяслова, як утварыць асабовыя формы дзеясловаў.

Дапоўніце тэкст патрэбнымі словамі.

Дзеясловы – гэта словы, якія абазначаюць ------------.

Дзеясловы адказваюць на пытанні -----------.

На пытанні што робіць? што раблю?адказваюць дзеясловы --------часу.

На пытанні што зрабіў?, што рабіў? адказваюць дзеясловы --------часу.

На пытанні што зраблю?, што буду рабіць? адказваюць дзеясловы -------- часу.

2.Хвілінка чыстапісання

3. Знаёмства з новай тэмай 

Прагледзь відыёматэрыял па тэме ўрока.

4. Замацаванне

Пр.192 стар.108 Дзеясловы ў неазначальнай форме пастаўце ў форму 3-й асобы адзіночнага ліку па ўзоры (вусна).

Слоўнікавая работа

С.109 Слоўнікавае слова аб’язджаць

Дапоўніце сказы слоўнікавым словам у форме цяперашняга часу, растлумачце правапіс выдзеленых літар. Запішыце сказы, падкрэсліце ў іх дзейнік і выказнік.

Пр.194 стар.109 Выканай заданні з падручніка.

Пр.195 стар.110 Дзеясловы ў неазначальнай форме пастаўце ў форму 3-й асобы адзіночнага ліку па ўзоры. Запісашыце пары слоў.

Пр.197 стар.110 Выканай заданні з падручніка.

Звярніце увагу, як вымаўляюцца дзеясловы ў 3-й асобе адзіночнага ліку і ў неазначальнай форме (тужым – тужыць, служым – служыць).

5. Выканайце тэст

Адзначце правільны адказ

1.Дзеяслоў абазначае

а)прадмет ці істоту;

б)дзеянне прадмета;

в)прымету прадмета.

2.У сказе дзеяслоў з’яўляецца:

а)даданым членам сказа;

б)дзейнікам;

в)выказнікам.

3.Якія канчаткі маюць дзеясловы І спражэння 3-й асобы адзіночнага ліку:

а)-іць, -ыць;

б)-е, -а, -э;

в)-аць, -яць.

4. Якія канчаткі маюць дзеясловы ІІ спражэння 3-й асобы адзіночнага ліку:

а)-ыш, -іш;

б)-е, -а, -э;

в)-ыць, -іць.

5.Адзначце сказ дзе  дзеяслоў стаіць у форме 3-й асобы адзіночнага ліку:

а)У лесе зацвілі першыя кветкі.

б)Ярка свеціць веснавое сонейка.

в)З палёў павявае цёплы ветрык.

6. Праверце тэст

1. б
2. в
3. б
4. а
5. б, в

Урок 11

Тэма: Канчаткі дзеясловаў 3-й асобы адзіночнага ліку I і II спражэння

Мэты: будзем замацоўваць уменне ўтвараць форму 3-й асобы адзіночнага ліку дзеясловаў I і II спражэння; вучыцца правільна пісаць канчаткі дзеясловаў з апорай на табліцы і схемы, адрозніваць дзеясловы II спражэння ў форме 3-й асобы адзіночнага ліку ад дзеясловаў у неазначальнай форме.

1. Прагляд відыё

2. Чыстапісанне

Запішыце спалучэнні літар.

да дзе дзя дзю дзі дзь

З дадзенных слоў складзіце і запішыце сказ. Вызначце лік і асобу дзеяслова.

палеткаў, між, дарога, лугоў, і, праходзіць

3.  Праца з падручнікам

Практыкаванне 200 (пісьмова)

 Запомніце правапіс новага слоўнікавага слова уверсе.

Практыкаванне 202 (пісьмова)

Практыкаванне 203 (пісьмова)

4. Правер сябе!  Выканай тэст

Тэст

1. Выберыце правільнае сцвярджэнне.

а) Дзеясловы 3-й асобы адзіночнага ліку I спражэння маюць канчаткі – е, -а, -э.

б) Дзеясловы 3-й асобы адзіночнага ліку I спражэння маюць канчаткі – ыць, - іць.

2. Адзначце дзеясловы ў форме 3-й асобы адзіночнага і множнага ліку II спражэння.

а) грэе – грэюць

б) ідзе – ідуць

в) бачыць – бачаць

г) ляжыць – ляжаць

3. Выберыце радок, дзе запісаны ўсе дзеясловы 3–й асобы адзіночнага ліку.

а) бярэ, носяць, думае

б) піша, спявае, ходзіць

в) палівае, свецяць, грэюць

4. У якой форме стаіць дзеяслоў расцвітае?

а) 1-й ас., адз. л., цяп. ч.,IIспр.

б) 3-й ас., адз. л., цяп. ч., IIспр.

в) 3-й ас., адз. л., цяп. ч.,Iспр.

5. Выберыце сказы, у якіх дзеяслоў ужыты ў форме 3-й асобы адзіночнага ліку.

а) Віктар любіць віктарыны.

б) Трэба любіць і шанаваць сваю родную мову.

в) Каб атрымаць добрую адзнаку, трэба лічыць хутка і без памылак.

г) Дзяжурны лічыць вучняў у класе.

Адказы:

1. а

2. в, г

3. б

4. в

5. а, г

Паўтарэнне (урок 12)

Тэма. Паўтарэнне: тэкст, сказ, часціны мовы

Успомнім звесткі пра тэкст, сказ, часціны мовы.

Будзем вызначаць тып тэксту і сродкі сувязі сказаў у тэксце;

характарызаваць сказы па мэце выказвання і інтанацыі, афармляць сказы з аднароднымі членамі;

вызначаць часціны мовы, называць іх граматычныя прыметы.

Тэст

 1. Якія спалучэнні слоў з’яўляюцца сказам?

а) гучыць музыка;

б) птушка з прыгожымі крыламі;

в) старанныя вучні.

2. У якіх сказах аднароднымі з’яўляюцца даданыя члены?

а) Дубы, прыгажуні-бярозы, сосны раслі ў гэтым лесе.

б) Заяц стаў на заднія лапкі і ўбычыў драпежніка.

в) У невялікіх азёрах і сажалках зімой вада хутка замярзае.

3. Якія з выдзеленых даданых членаў сказа дапаўняюць дзейнік?

а) Неба зіхацела мноствам яркіх зорачак.

б) Моцны дождж пазбіваў лісце на дрэвах.

в) На беразе маленькага возера стаяла невялічкая хатка.

4. У якім радку зроблена памылка?

а) яблык, медаль, калектыў, яны, акіян, мазоль, альбом;

б) радавацца, прыехаў, бегчы, касіць, заспяваю, жартуе;

в) зялёны, радасная, вядомыя, дарагое, высокі.

5. Які з наступных тэкстаў з’яўляецца тэкстам-разважаннем?

а)      Маленства — самы адказны момант жыцця, стартавая пляцоўка чалавека.

         I ад таго, хто вёў дзіця за руку, хто адкрыў яму навакольны свет, будзе залежаць яго ўзлёт, лёс, будучыня і шчасце (В. Вітка).

б)      У куце сядзіць мядзведзь, хустку вышывае,

         а лісічка-невялічка хатку прыбірае.

         А каток пячэ аладкі, маслам залівае,

         на тапчане мышанятка есці памагае (3. Бядуля).

в)      Ціхая раніца. Сонейка толькі ўзышло. У полі яшчэ ляжыць снег. Толькі ўзгоркі чарнеюць. Лужыны сцягнуліся за ноч лядком. Але ўжо чуваць — вясна, і ўсё пазірае па-вясенняму (Я.Колас).

Ключ

1 – а

2 – в

3 – б

4 – а

5 – а

Урок 13

Тэст

1. Што абазначае назоўнік?

а) прымету прадмета;

б) прадмет;

в) дзеянне прадмета.

2. Знайдзіце займеннікі 3-й асобы.

а) я, мы;

б) ты, вы;

в) ён, яна, яно, яны.

3. Знайдзіце  ў словазлучэннях прыметнікі ніякага роду.

а) ранішняе сонца;

б) гарачы дзень;

в) летняя раніца.

4.  Займеннікі з прыназоўнікамі пішуцца:

а) асобна;

б) разам.

5. Прачытайце дзеясловы. У якім радку дзеясловы стаяць у форме цяперашняга часу 1-й асобы адзіночнага і множнага ліку?

а) чытаеш, выйдзеце, бачыць;

б) замаўчаць, бачыце, выйдзеш;

в) малюю, лепім, спяваю.

Ключ

1 – б

2 – в

3 – а

4 – а

5 – в